«ԳՏԻՐ ՆՎԵՐ» առցանց խանութում գնում կատարելու համար անհրաժեշտ է՝

1. Հավանած ապրանքի էջում սեղմել «Դնել զամբյուղ» կոճակը:
2. Զամբյուղի՝ «Պատվերի ձևակերպում» բաժնում մուտքագրեք Ձեր էլ. փոստի հասցեն (այդ հասցեին կուղարկվեն պատվերի կարգավիճակի մասին ծանուցումները): Ընդ որում, չմոռանաք V -աձև նշում անել «Բաժանորդագրվել նորություններին և հատուկ առաջարկներին» արտահայտության դիմաց:
3. Այժմ սեղմեք «Ձևակերպել պատվերը» կոճակը:
4. «Պատվերի ձևակերպում» բաժնի «Առաքում» ենթաբաժնում մուտքագրեք Ձեր էլ. փոստի հասցեն՝ Ձեզ հետ կապ հաստատելու և ընտրած ապրանքի առաքման համար անհրաժեշտ տվյալները: Լրացրեցի՞ք: Այժմ սեղմեք «Շարունակել» կոճակը:
   «Պատվերի ձևակերպում» բաժնի «Առաքման եղանակը» ենթաբաժնում ընտրեք առաքման եղանակը: Այս պահին խանութում գործում է առաքման մի քանի եղանակ: Ընտրեցի՞ք: Սեղմե՛ք «Շարունակել» կոճակը:
5. «Պատվերի ձևակերպում» բաժնի «Վճարում» ենթաբաժնում ընտրեք վճարման եղանակը: Այս պահին խանութում գործում է վճարման մի քանի եղանակ՝ վճարում բանկային հաշվին և առցանց (անկանխիկ) վճարումներ: Դրանցից յուրաքանչյուրն ընտրելիս կայքում Ձեզ կտրվեն լրացուցիր պարզաբանումներ (վճարման հրահանգներ) դրանց առանձնահատկությունների վերաբերյալ: Նույն էջում, ստորև, կարող եք վճարման եղանակների վերաբերյալ թողնել «Մեկնաբանություններ»։ Ապա սեղմեք «Տեղադրել պատվերը» կոճակը։ Ձեր պատվերը տեղադրված է։
6. Դուք անմիջապես, Ձեր կողմից նշած էլ․ փոստի հասցեին կստանաք հաղորդագրություն «ԳՏԻՐ ՆՎԵՐ» առցանց խանութի կողմից պատվերի հաստատման վերաբերյալ՝ պատվերի մանրամասներով։ Որից հետո, հնարավորինս շուտ՝ խանութի աշխատանքային ժամերին, Ձեր կողմից նշած հեռախոսահամարով Ձեզ հետ կկապվի խանութի ադմինիստրատորը, քննարկելու համար պատվերի կատարման և առաքման մանրամասները։

Մաղթո՛ւմ ենք հաճելի գնումներ։

«ԳՏԻՐ ՆՎԵՐ» առցանց խանութում վճարումը կարելի է իրականացնել հետևյալ եղանակներով` կանխիկ, PayX համակարգով (քարտերով կամ QR կոդով), վճարում Idram համակարգով, EasyWallet և Telcell Wallet դրամապանակներով, վճարում տերմինալով (Telcell կամ EasyPay վճարային տերմինալների միջոցով) և բանկային փոխանցում։

Վճարումներն իրականացվում են ՀՀ դրամով:

«PayX համակարգով (քարտերով կամ QR կոդով)» եղանակն ընտրելու դեպքում վճարումն կարելի է իրականացնել առաջարկվող 3 տարբերակներից որևէ մեկով՝
ArCa կամ Visa վճարային քարտերով՝ «Վճարել քարտով»/«Pay by Card» տարբերակով.
PayX QR կոդի միջոցով՝ «Սկանավորել և Վճարել հավելվածով»/«PayX Scan & Pay» տարբերակով.
PayX կայքում (կցված վճարային քարտով)՝ «Մուտք գործել և Վճարել»/«PayX Log-in & Pay» տարբերակով:
«Idram համակարգով», «EasyWallet» և «Telcell Wallet» դրամապանակներով, ինչպես նաև «Վճարում տերմինալով» վճարման եղանակները ընտրելու դեպքում վճարումն իրականացվում է պատվերը տեղադրելուց հետո՝ 2 օրվա ընթացքում, կամ առաքիչի ներկայությամբ ապրանքն ստանալիս (միայն Երևանում)։

«Բանկային փոխանցում» վճարման եղանակն ընտրելու դեպքում վճարումը (փոխանցումը) պետք է իրականացվի (ցանկացած բանկում) պատվերը տեղադրելուց հետո՝ 3 օրվա ընթացքում։

Անկանխիկ վճարման եղանակները նախընտրելու դեպքում պատվիրված ապրանքը կառաքվի միայն խանութի կողմից վճարումը (փոխանցումը) ստանալուց հետո։ Սահմանված ժամկետում վճարումը չկատարելու դեպքում պատվերը կչեղարկվի։

Պատվիրված ապրանքի որակից դժգոհության դեպքում՝ հաճախորդը կարող է հրաժարվել դրա գնումից ԱՆՎՃԱՐ (առանց որևէ տուգանքի՝ վճարելով միայն առաքման ծառայության արժեքը)։

Առաքման կարգը

«Առաքում Երևանում (նշված հասցեով)» առաքման ծառայություն.

Ապրանքը պատվիրելիս «Առաքում Երևանում (նշված հասցեով)» ծառայությունն ընտրելու դեպքում՝ ապրանքն առաքվում է Երևան քաղաքում հաճախորդի նշած հասցեով՝ նույն կամ հաջորդ օրը, մինչև ժ. 20-00-ն (ըստ պայմանավորվածության):

Ապրանքի հանձնման համար վայրը և ժամը համաձայնեցվում է կայքի ադմինիստրատորի հետ պատվերը տեղադրելուց հետո (հետզանգը կատարվում է կայքի ադմինիստրատորի կողմից հնարավորինս շուտ` խանութի աշխատանքային ժամերին):

Ծառայության արժեքն է՝

— մինչև 10000 դրամի գնումների դեպքում՝ 300 դրամ (վճարվում է պատվիրված ապրանքի համար վճարելիս),

— 10000 դրամ և ավելի գնումների դեպքում՝ ԱՆՎՃԱՐ:

«Առաքում «ՀայՓոստի» միջոցով (մինչև փոստային բաժանմունք)» առաքման ծառայություն.

Ապրանքը պատվիրելիս «Առաքում «ՀայՓոստի» միջոցով (մինչև փոստային բաժանմունք)» ծառայությունն ընտրելու դեպքում՝ ապրանքն առաքվում է (խանութի կողմից ապրանքի համար վճարումն ստանալուց հետո) մինչև հաճախորդի նշած հասցեի (Երևանում կամ ՀՀ մարզերում) փոստային բաժանմունքը (2-3 աշխատանքային օրվա ընթացքում):

Այս առաքման եղանակը գործում է միայն վճարման անկանխիկ եղանակներով վճարելու դեպքում (պատվերը տեղադրելուց հետո՝ 2-3 օրվա ընթացքում վճարման իրականացման պայմանով):

Ծառայության արժեքն է՝ 500 դրամ (վճարվում է պատվիրված ապրանքի համար վճարելիս):

«Առաքում «ՀայՓոստի» միջոցով Երևանի մեջ (նշված հասցեով)» առաքման ծառայություն.

Ապրանքը պատվիրելիս «Առաքում «ՀայՓոստի» միջոցով Երևանի մեջ (նշված հասցեով)» ծառայությունն ընտրելու դեպքում՝ ապրանքն առաքվում է (խանութի կողմից ապրանքի համար վճարումն ստանալուց հետո) հաճախորդի կողմից Երևանում նշած հասցեով (1-3 աշխատանքային օրվա ընթացքում):

Այս առաքման եղանակը գործում է միայն վճարման անկանխին եղանակներով վճարելու դեպքում (պատվերը տեղադրելուց հետո՝ 2-3 օրվա ընթացքում վճարման իրականացման պայմանով):

Ծառայության արժեքն է՝ 800 դրամ (վճարվում է պատվիրված ապրանքի համար վճարելիս):